کہوٹہ میں مسافر بس کو حادثہ، 5 مسافر جاں بحق، 4 شدید زخمی

کہوٹہ،  17مارچ(پی پی آئی) آزاد کشمیر سے راولپنڈی جانے والی مسافر بس کہوٹہ کے قریب حادثہ کا شکار ہوگئی، جس میں 5 مسافر جاں بحق اور 4 شدید زخمی ہوگئے۔حادثے کی اطلاع ملتے ہی پاک فوج اور سول انتظامیہ نے فوری طور پر جائے وقوعہ پر پہنچ کر کارروائی شروع کی۔ پاک فوج کی ریسکیو ٹیموں نے زخمیوں کو ڈسٹرکٹ ہیڈ کوارٹر ہسپتال منتقل کیا۔جاں بحق ہونے والوں میں 4 مرد اور ایک خاتون شامل ہیں۔ زخمیوں میں ایک فوجی جوان لانس حوالدار عارف علی بھی شامل ہیں۔