شمالی وزیرستان میں دراندازی کی کوشش ناکام، 16 خوارج جہنم واصل

کراچی،23مارچ (پی پی آئی)سکیورٹی فورسز نے گزشتہ رات ضلع شمالی وزیرستان کے علاقے غلام خان کلے میں پاک افغان سرحد کے ذریعے دراندازی کی کوشش کرنے والے 16 خوارج کو ہلاک کر دیا۔فوج کے شعبہ تعلقات عامہ کے مطابق سکیورٹی فورسز نے دراندازی کی کوشش کرنے والے خوارج کو موثر طور پر نشانہ بنایا اور ان کی کوشش کو ناکام بنا دیا۔پاکستان افغانستان کی عبوری حکومت سے مسلسل کہہ رہا ہے کہ وہ سرحد کی اپنی جانب موثر سرحدی انتظام کو یقینی بنائے۔توقع ہے کہ افغانستان کی عبوری حکومت اپنی ذمہ داری نبھائے گی اور خوارج کو پاکستان کے خلاف دہشت گردی کی کارروائیوں کیلئے اپنی سرزمین استعمال نہیں کرنے دے گی۔