بواؤ کانفرنس 2025 میں وفاقی وزیر خزانہ اورنگزیب کی شرکت

اسلام آباد،25مارچ (پی پی آئی)تین روزہ بواؤ سالانہ کانفرنس 2025 آج چین کے صوبہ ہینان میں بواؤ فورم برائے ایشیا سینٹر میں شروع ہو رہی ہے، جس میں پاکستان کی نمائندگی وفاقی وزیر خزانہ سینیٹر محمد اورنگزیب کررہے ہیں۔کانفرنس کا موضوع “تبدیل ہوتی دنیا میں ایشیا: مشترکہ مستقبل کی جانب” ہے، جو 28 مارچ تک جاری رہے گی۔ اورنگزیب پاکستان کے معاشی مستقبل پر توجہ مرکوز کرتے ہوئے اعلیٰ سطح کی گفتگو اور نشستوں میں شرکت کریں گے۔وہ مختلف ممالک کے مندوبین اور نمائندوں سے ملاقات کریں گے، اس کے علاوہ، وہ تجارتی اور سرمایہ کاری بینکوں کے حکام اور سینئر چینی حکام کے ساتھ بھی ملاقاتیں کریں گے۔