سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

کراچی،28 مارچ (پی پی آئی) گورنر سندھ کامران خان ٹیسوری نے چیف جسٹس آف پاکستان کو خط لکھ کر کراچی میں ٹینکر اور ڈمپر سے ہونے والے بڑھتے ہوئے حادثات پر شدید تحفظات کا اظہار کیا ہے اور فوری عدالتی مداخلت کی اپیل کی ہے۔اپنے خط میں گورنر سندھ نے نشاندہی کی کہ صرف 2025 میں اب تک 70 سے زائد افراد ان حادثات میں جاں بحق ہو چکے ہیں۔ انہوں نے ان اموات کو انتظامی غفلت کا نتیجہ قرار دیا اور خبردار کیا کہ اگر فوری اقدامات نہ کیے گئے تو حالات مزید بگڑ سکتے ہیں۔گورنر نے 24 مارچ کو ملیر ہالٹ پر پیش آنے والے المناک واقعے کا بھی ذکر کیا، جس میں ایک واٹر ٹینکر نے موٹرسائیکل پر سوار ایک خاندان کو کچل دیا تھا۔ اس حادثے میں عبد القیوم، ان کی حاملہ اہلیہ زینب اور ان کا نومولود بچہ جاں بحق ہو گئے تھے۔ انہوں نے چیف جسٹس سے واقعے اور اس مسئلے کا فوری نوٹس لینے کی اپیل کی۔گورنر نے مزید بتایا کہ وہ اس سے قبل سندھ ہائی کورٹ کے سابق چیف جسٹس اور نگران چیف جسٹس کو بھی خط لکھ چکے ہیں، جس میں انہوں نے اس مسئلے پر عدالتی احکامات پر عملدرآمد کی درخواست کی تھی۔کامران خان ٹیسوری نے زور دیا کہ کراچی کے شہریوں کی جان و مال کا تحفظ حکومت کی بنیادی ذمہ داری ہے اور اس مقصد کے لیے قوانین کا سختی سے نفاذ ناگزیر ہے۔