زرداری اور مراد شاہ کے بیانات سیاسی ڈرامہ ہیں: سید زین شاہ

نوشہرو فیروز،03اپریل (پی پی آئی) سندھ یونائٹیڈ پارٹی کے صدر سید زین شاہ نے نوشہرو فیروز، مورو، بھریا سٹی میں میڈیا سے گفتگو میں سندھ حکومت کی جانب سے 6 کینالوں کی تعمیر پر تنقید کی۔ انہوں نے صدر آصف علی زرداری اور وزیر اعلیٰ سندھ سید مراد علی شاہ کے بیانات کو سیاسی ڈرامہ قرار دیا اور کہا کہ سندھ کے عوام اب سیاسی کھیلوں کو سمجھ چکی ہے۔سید زین شاہ نے مزید کہا کہ کینال اور گرین فارمنگ منصوبوں پر کوئی سمجھوتہ نہیں کیا جائے گا۔ انہوں نے کہا کہ ن لیگ سمیت فیڈریشن کو سن لینا چاہیے کہ سندھ کی عوام غیر آئینی منصوبوں کو قبول نہیں کرے گی۔ ان منصوبوں کو سندھ کی زمینوں کے لیے خطرہ قرار دیا گیا ہے جو خوشحال سندھ کو تباہ کرنے کی سازش ہے۔