جامعہ پونچھ میں ڈاکٹر عبدالخالق بطور کنٹرولر امتحانات تعینات

راولاکوٹ،10اپریل (پی پی آئی)جامعہ پونچھ راولاکوٹ کے سینئر پروفیسر ڈاکٹر عبدالخالق نے کنٹرولر امتحانات کی ذمہ داریاں سنبھال لی ہیں۔ وائس چانسلر پروفیسر ڈاکٹر محمد ذکریا ذاکر کی سفارشات کے تحت صدر ریاست و چانسلر جامعہ پونچھ بیرسٹر سلطابن محمود چودھری نے ان کی تعیناتی کی باضابطہ منظوری دی۔ڈاکٹر عبدالخالق اس سے پہلے ڈین فیکلٹی آف میڈیکل اینڈ ہیلتھ سائنسز، رجسٹرار، چیئرمین شعبہ سوائل اینڈ انوائرنمنٹل سائنسز، اور ڈائریکٹر سٹوڈنٹس افیئرز جیسے اہم انتظامی عہدوں پر کام کر چکے ہیں۔وائس چانسلر ڈاکٹر ذکریا ذاکر نے ڈاکٹر عبدالخالق کی تعیناتی کا خیرمقدم کیا اور امید ظاہر کی کہ وہ اپنی پیشہ ورانہ صلاحیتوں کے بل بوتے پر امتحانات کے عمل کو مؤثر بنائیں گے۔وائس چانسلر کے مطابق، کنٹرولر امتحانات کا دفتر جامعہ کی ڈگریوں کی ساکھ اور الحاق شدہ کالجز سمیت تمام اسٹیک ہولڈرز کا اعتماد حاصل کرنے کا اہم ذریعہ ہے۔ڈاکٹر ذکریا نے مزید کہا کہ عالمی سطح پر اعلیٰ تعلیم تیز تبدیلی کے مراحل سے گزر رہی ہے اور اداروں میں جوابدہی کے تقاضے بڑھ چکے ہیں، ایسے میں مضبوط قیادت کی ضرورت ہے۔وائس چانسلر نے سبکدوش ہونے والے کنٹرولر امتحانات پروفیسر ڈاکٹر امتیاز حسین کی خدمات کو بھی سراہا۔