سندھ میں والی بال ٹیموں کی تشکیل کے لئے ٹرائلز 19 اپریل کو ہوں گے

کراچی،06اپریل (پی پی آئی) سندھ والی بال ایسوسی ایشن نے 35ویں نیشنل گیمز میں شرکت کے لئے سندھ کی مینز اور ویمنز والی بال ٹیموں کی تشکیل کے لئے ٹرائلز کا اعلان کر دیا ہے۔ ٹرائلز 19 اپریل کو کے پی ٹی اسپورٹس کمپلیکس کے جمنازیم میں منعقد ہوں گے۔سندھ والی بال ایسوسی ایشن کے سیکریٹری جنرل شاہد مسعود نے صدر شاہ نعیم ظفر سے مشاورت کے بعد اس اعلان کو حتمی شکل دی ہے۔ انہوں نے کہا کہ نیشنل گیمز میں سندھ کی مردوں اور خواتین والی بال ٹیمیں بھرپور شرکت کریں گی۔ایسوسی ایشن کی جانب سے تمام ڈویڑنل والی بال ایسوسی ایشنز کو خطوط ارسال کر دیے گئے ہیں۔ ان خطوط میں ہدایات دی گئی ہیں کہ سندھ کے ڈومیسائل کے حامل بہترین کھلاڑیوں کی ٹرائلز میں شرکت کو یقینی بنایا جائے۔شرکت کے خواہشمند کھلاڑیوں کو ہدایت کی گئی ہے کہ وہ دو پاسپورٹ سائز تصاویر، شناختی کارڈ، اور سندھ کے ڈومیسائل کے ساتھ 19 اپریل کو کے پی ٹی اسپورٹس کمپلیکس کے جمنازیم میں سلیکشن کمیٹی کو رپورٹ کریں۔گرلز کھلاڑیوں کے ٹرائلز دوپہر دو بجے اور بوائز کے ٹرائلز تین بجے منعقد ہوں گے۔ 35ویں نیشنل گیمز یکم سے 9 مئی تک کراچی میں منعقد ہوں گے جس کا والی بال ایونٹ کے پی ٹی اسپورٹس کمپلیکس میں شیڈول کیا گیا ہے۔