پاکستان ویسٹ ایشیا بیس بال کپ کے سیمی فائنل میں پہنچ گیا

اسلام آباد، 17مئی (پی پی آئی)  پاکستان نے ایران کو شکست دے کر ویسٹ ایشیا بیس بال کپ کے سیمی فائنل میں اپنی جگہ بنا لی ہے۔ اس کامیابی کے بعد پاکستان گروپ بی میں اول پوزیشن پر فائز ہو گیا ہے۔پاکستان نے ایران کے خلاف میچ میں 0-14 سے کامیابی حاصل کی۔ دفاعی چیمپئن پاکستان کی جانب سے وسیم اکرم، سعید اختر اور محمد حارث نے نمایاں کارکردگی کا مظاہرہ کیا۔اس سے پہلے، پاکستان نے بنگلا دیش کو 10-6 سے شکست دے کر اپنی پہلی کامیابی حاصل کی تھی۔ بنگلا دیش کے خلاف میچ میں عبدالرزاق، عاشر عباس، محمد ریحان اور سعید اختر نے بہترین کھیل پیش کیا۔پاکستان کا سیمی فائنل میں گروپ اے کی نمبر دو ٹیم سے مقابلہ ہوگا۔ اس فتح کے بعد پاکستان کی ٹیم کپ جیتنے کی امیدوں کو بڑھا رہی ہے۔