مظفرآباد،23اپریل (پی پی آئی)وزیراعظم آزاد حکومت ریاست جموں و کشمیر چوہدری انوارالحق نے مرزا نواز جرال ایڈووکیٹ کے بے رحمانہ قتل کی سخت الفاظ میں مذمت کی ہے اور متعلقہ حکام کو ملزمان کی فوری گرفتاری کی ہدایت کی ہے۔ پریس انفارمیشن ڈیپارٹمنٹ – آزاد جموں و کشمیر کے ایک بیان کے مطابق وزیراعظم آزاد کشمیر نے اپنے تعزیتی پیغام میں قتل پر گہرے دکھ کا اظہار کیا اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا کرے اور پسماندگان کو صبر جمیل عطا فرمائے۔وزیراعظم نے ایس پی بھمبر کو ملزمان کی فوری گرفتاری کی ہدایت کی اور انصاف کی فراہمی کو یقینی بنانے کا کہا۔ انہوں نے کہا کہ قانون کی عملداری کو یقینی بنانا حکومت کی اولین ترجیح ہے اور ایسے واقعات کی روک تھام کے لیے موثر اقدامات کیے جائیں گے۔
Next Post
قومی شاہراہ کی بندش کیخلاف نوشہروفیروزمیں ڈرائیوروں کا دھرنا
Wed Apr 23 , 2025
نوشہروفیروز،23اپریل (پی پی آئی) نوشہروفیروز میں پانچ دن سے پریشان ڈرائیورز نے کوٹری کبیر قومی شاہراہ پر دھرنا دے کر شدید نعرے بازی کی۔ مظاہرین نے مطالبہ کیا کہ ان کے مطالبات کو تسلیم کیا جائے یا کوئی حل نکالا جائے تاکہ شاہراہ کھولی جا سکے۔ڈرائیورز کا کہنا ہے کہ […]