قومی شاہراہ کی بندش کیخلاف نوشہروفیروزمیں ڈرائیوروں کا دھرنا

نوشہروفیروز،23اپریل (پی پی آئی) نوشہروفیروز میں پانچ دن سے پریشان ڈرائیورز نے کوٹری کبیر قومی شاہراہ پر دھرنا دے کر شدید نعرے بازی کی۔ مظاہرین نے مطالبہ کیا کہ ان کے مطالبات کو تسلیم کیا جائے یا کوئی حل نکالا جائے تاکہ شاہراہ کھولی جا سکے۔ڈرائیورز کا کہنا ہے کہ ان کا کوئی قصور نہیں جو پانچ دن سے مشکلات کا سامنا کررہے ہیں۔ ان کا کہنا تھا کہ گاڑیوں میں موجود سامان خراب ہو رہا ہے اور گاڑیوں کے ٹائر ناکارہ ہوتے جا رہے ہیں۔ مظاہرین نے حکام سے اپیل کی ہے کہ شاہراہ کو کھولنے کے لئے فوری اقدامات کیے جائیں تاکہ وہ اپنے بچوں کے پاس پہنچ سکیں۔