فیض گنج میں اراضی کے تنازعہ پرماموں کے ہاتھوں 2 بھانجے قتل،ملزم فرار

نوشہر فیروز،24اپریل (پی پی آئی)نوشہرو فیروز کے علاقے فیض گنج میں جٹ برادری کے دو گروپوں میں زمینی تنازعہ کے باعث تصادم ہوا جس میں ماموں نے فائرنگ کر کے اپنے دو بھانجھوں کو قتل کر دیا۔ فائرنگ کے نتیجے میں علی جٹ اور بلال جٹ، جو کہ دونوں بھائی تھے، جانبحق ہو گئے۔ “جانبحق ہونے والے دونوں بھائیوں کی لاشیں رورل ہیلتھ سینٹر منتقل کر دی گئیں اور پوسٹ مارٹم کے بعد ان کے ورثہ کے حوالے کر دی گئیں۔ واقعہ کے بعد ماموں موقع سے فرار ہو گیا۔ “پولیس نے ملزمان کی گرفتاری کے لئے چھاپے مارنے شروع کر دیے ہیں جبکہ علاقے میں سوگ کی کیفیت پائی جا رہی ہے۔”