سکھر میں جشن سندھو کی شاندار ریلی: بلاول بھٹو زرداری کا خطاب سننے لاکھوں افراد کی شرکت

 سکھر،26اپریل (پی پی آئی)سکھر شہر میں جشن سندھو کے موقع پر لاکھوں افراد  ملٹری روڈ سے جلسہ گاہ کی طرف روانہ ہوئے۔ اس ریلی میں خواتین، بچے، بزرگ، ہندو، مسلمان اور سکھ سمیت ہر طبقے کے لوگ شریک تھے۔ اس موقع پر سندھ حکومت کے ترجمان اور میئر سکھر، بیرسٹر ارسلان اسلام شیخ نے شرکت کی۔ریلی کا مقصد چیئرمین بلاول بھٹو زرداری کا خطاب سننا تھا۔ بلاول بھٹو زرداری نے جمہوری انداز میں مذاکرات کے ذریعے سندھ کا سب سے بڑا مسئلہ حل کرنے کی کوشش کی ہے، جس کے لئے انہیں خراج تحسین پیش کیا گیا۔شرکاء   نے اپنی موجودگی سے یہ پیغام دیا کہ بلاول بھٹو زرداری کے ہر قدم پر پاکستان خصوصاً سکھر کی عوام ان کے ساتھ ہے۔ یہ عوامی اجتماع اس بات کی گواہی تھا کہ بلاول بھٹو زرداری کو عوام کا بھرپور اعتماد حاصل ہے۔