کوئٹہ،29اپریل (پی پی آئی) اتحاد اہلسنت پاکستان کے سربراہ علامہ مولانا ابو الرضا دادمحمد فریادی نے کہا ہے کہ اولیائے کرام کی سیرت و تعلیمات امن و محبت کا درس دیتی ہیں۔ انہوں نے ذکر اولیاء کانفرنس سے خطاب کرتے ہوئے کہا کہ بزرگان دین کی سیرت سے امن و امان کی صورتحال میں بہتری لائی جا سکتی ہے۔ اولیاء اللہ کے افعال و کردار عالم اسلام کے لئے مشعل راہ ہیں اور دنیا و آخرت کی کامیابی کا ذریعہ بھی ہیں۔علامہ فریادی نے زور دیا کہ ہمیں اولیاء کرام کی تعلیمات پر عمل کر کے آپسی نفرتیں ختم کرنی چاہئیں۔ انہوں نے کہا کہ بزرگان دین کے فلسفہ امن و سلامتی کو فروغ دینے کی ضرورت ہے تاکہ یکجہتی اور بھائی چارے کو تقویت ملے۔انہوں نے مزید کہا کہ پاک و ہند میں دین اسلام اولیاکرام کے فیضان سے پھیلا ہے۔ ہمیں اولیاء کرام کے آستانوں پر حاضری دے کر روحانی سکون حاصل کرنا چاہئے۔
Next Post
KSE-100 میں 808 پوائنٹس کا اضافہ
Tue Apr 29 , 2025
کراچی، 29اپریل (پی پی آئی) پاکستان اسٹاک ایکسچینج میں منگل اضافہ دیکھنے میں آیا، KSE-100 انڈیکس میں 808.28 پوائنٹس یا 0.71 فیصد کا اضافہ ہوا، جو 114,872.18 پر بند ہوا۔ یہ اضافہ سرمایہ کاروں کے اعتماد اور اہم شعبوں میں خریداری میں اضافے کی بدولت ہوا۔KSE-30 انڈیکس بھی 233.51 پوائنٹس […]