ؒٓلاہور، 30 اپریل (پی پی آئی) حکومت سندھ کے محکمہ انسانی حقوق کی جانب سے بچوں سے جبری مشقت کے موضوع پر آگاہی سیمینار کا انعقاد کیا گیا۔ سیمینار کا عنوان ”بچوں کے حقوق کی سمجھ اور مستقبل کا تحفظ“ تھا۔ اس کا مقصد بچوں سے جبری مشقت کے خلاف شعور بیدار کرنا اور متعلقہ قوانین کی آگاہی فراہم کرنا تھا۔پروگرام کی صدارت وزیراعلیٰ سندھ کے معاون خصوصی برائے انسانی حقوق راجویر سنگھ سوڈھا نے کی۔ سیمینار میں بچوں کے تحفظ اور ان کے بنیادی حقوق کے حوالے سے حکومت کے عزم کا اظہار کیا گیا۔محکمہ انسانی حقوق کے سیکریٹری اکرم علی خواجہ نے تمام مہمانوں کو خوش آمدید کہا جبکہ ڈائریکٹر آغا فخر حسین نے آخر میں تمام مہمانوں کا شکریہ ادا کیا۔ دونوں نے بچوں سے جبری مشقت کے خلاف عملی اقدامات کی اہمیت پر زور دیا۔سیمینار میں ڈپٹی کمشنر ساؤتھ کراچی جناب جاوید نبی کھوسو، ڈی ایس پی ہیومن رائٹس سندھ محمد ذوالفقار، اے ایس پی بلاول کنبھَر، لیبر ڈیپارٹمنٹ کے افسر ریجھو مل سانجنانی اور دیگر مقررین نے اپنے خیالات کا اظہار کیا۔ مقررین نے بچوں کے حقوق کے قانونی، سماجی اور معاشی پہلوؤں پر روشنی ڈالی۔اس موقع پر سول سوسائٹی، انسانی حقوق کے کارکنوں، میڈیا اور حکومتی نمائندوں سمیت مختلف شعبوں سے تعلق رکھنے والے افراد کی بڑی تعداد نے شرکت کی۔
Next Post
سندھ کے گورنر نے ترکیہ میں حضرت ابو ایوب انصاری کے مزار کا دورہ کیا
Wed Apr 30 , 2025
کراچی، 30 اپریل (پی پی آئی) سندھ کے گورنر کامران خان ٹیسوری نے ترکیہ میں حضرت ابو ایوب انصاری (رضی اللہ عنہ) کے مزار کا دورہ کیا، جہاں انہوں نے گہری عقیدت کا اظہار کیا۔مزار کا اندرونی حصہ خاص طور پر ان اور ان کے خاندان کے لیے کھولا گیا۔ […]