لواری شریف میں سلطان الاولیا خواجہ محمد زمان صدیقی نقشبندی کا 258 واں عرس منعقد

بدین،3 مئی (پی پی آئی) برصغیر پاک و ہند کی معروف درگاھ عالیہ لواری شریف کے بانی حضرت سلطان الاولیا خواجہ محمد زمان صدیقی نقشبندی قدس سرہ کے 258 ویں یوم عرس کی تقریبات لواری شریف سمیت ملک بھر میں منعقد ہوئیں۔ عرس کے موقع پر ملک، قوم، اور افواج پاکستان کی سلامتی، ترقی، اور خوشحالی کے لئے خصوصی دعائیں کی گئیں۔عرس مبارک کی مرکزی تقریب درگاہ حضرت سلطان الاولیالواری شریف میں منعقد ہوئی، جس میں پیر محمد صالح قریشی کے علاوہ سندھ، پنجاب، اور بلوچستان سے کثیر تعداد میں مریدین اور عقیدت مندوں نے شرکت کی۔ لواری شریف کے گردونواح سے بھی بڑی تعداد میں لوگوں نے تقریب میں شرکت کی۔تقریب کا آغاز نماز جمعہ سے ہوا، جس کے بعد قرآن خوانی اور درگاھ عالیہ لواری شریف کی دستور حمد و ثنا کی گئی۔ جامعہ مسجد درگاہ لواری شریف میں عالم دین نے حضرت سلطان الاولیاء   کی تعلیمات اور انسانیت کی خدمات پر روشنی ڈالی۔ بدین پولیس کی جانب سے امن و امان کے سلسلے میں سخت سیکورٹی کے انتظامات کیے گئے تھے۔ عرس کے انتظامات پیر آف لواری شریف حضرت پیر محمد صادق قریشی نقشبندی کی طرف سے کیے گئے۔ مریدین اور عقیدت مندوں کے لئے رہائش، لنگر، اور سبیل کا انتظام بھی فراہم کیا گیا تھا۔عرس مبارک کی تقریبات ملک کے مختلف شہروں جیسے کراچی، حیدرآباد، سانگھڑ، نوشہروفیروز، لاڑکانہ، اور دادو میں بھی عقیدت و احترام کے ساتھ منعقد ہوئیں۔ جماعت لواری شریف کی