برصغیر کے عظیم مجاہد ٹیپو سلطان کا 226 واں یوم شہادت منایا گیا

کراچی،4مئی (پی پی آئی)  ”شیر کی ایک دن کی زندگی گیدڑ کی سو سالہ زندگی سے بہتر ہے“، ان الفاظ کے ساتھ برصغیر کے عظیم مجاہد ٹیپو سلطان کا 226 واں یوم شہادت 4 مئی کو منایا گیا۔ٹیپو سلطان، جن کا اصل نام سلطان فتح علی تھا، 1750 میں بھارتی ریاست میسور میں نواب حیدر علی خان کے گھر پیدا ہوئے۔ انہوں نے اپنی پوری زندگی انگریزوں سے آزادی کے لیے جدوجہد میں گزاری۔1782 میں نواب حیدر علی خان کی وفات کے بعد ٹیپو سلطان نے میسور کا اقتدار سنبھالا اور ریاست کو سلطنت خداداد کا نام دیا۔سلطان فتح علی ٹیپو نے 4 مئی 1799 کو اپنی جان کی قربانی دی۔ ان کی شہادت کی یاد میں ان کے عزم، قربانی اور جدوجہد کو خراج عقیدت پیش کیا گیا۔