آر پی او ساہیوال کا اوکاڑہ میں کھلی کچہری کا انعقاد، شہریوں کے مسائل کے فوری حل کی ہدایات

اوکاڑہ،5مئی (پی پی آئی)آر پی او ساہیوال محبوب رشید نے اوکاڑہ میں کھلی کچہری کا انعقاد کیا جہاں شہریوں کی درخواستوں کی سماعت کی گئی اور مسائل کے فوری حل کے لیے موقع پر احکامات جاری کیے گئے۔ کھلی کچہری کے دوران ڈی پی او اوکاڑہ محمد راشد ہدایت اور دیگر متعلقہ افسران بھی موجود تھے۔کھلی کچہری کا مقصد عوام اور پولیس کے درمیان اعتماد کی فضاء   کو مضبوط بنانا اور مسائل کو عوامی سطح پر ہی حل کرنا ہے۔ آر پی او نے متعلقہ افسران کو شہریوں کے مسائل کو ترجیحی بنیادوں پر حل کرنے کی ہدایات دیں۔اس اقدام کے تحت شہریوں کے مسائل کو فوری طور پر حل کر کے ان کی داد رسی کی جائے گی تاکہ عوام کو درپیش مشکلات میں کمی لائی جا سکے۔ آر پی او نے اس بات پر زور دیا کہ عوام کے مسائل کے حل کے لیے تمام ممکنہ اقدامات کیے جائیں گے۔