پاکستانی یونیورسٹی کے وفد کا متحدہ عرب امارات کا دورہ

ابوظہبی، 6 مئی (پی پی آئی) ابوظہبی میں پاکستان کے سفارتخانے حال ہی میں اسلام آباد کی نیشنل ڈیفنس یونیورسٹیکے ایک معزز وفد کا خیرمقدم کیا، جو پاکستان اور متحدہ عرب امارات (یو اے ای) کے درمیان دو طرفہ مکالمے اور تعلیم کے میدان میں تعاون کو فروغ دینے کے لیے ایک اہم قدم ہے۔ سفیر فیصل نیاز ترمذی نے این ڈی یو کے چیف انسٹرکٹر ایئر وائس مارشل عامر منیر اور پاکستان اور دوست ممالک کے سینئر فوجی اور سول سروس افسران کا استقبال کیا۔یہ دورہ، جو نیشنل سیکیورٹی اینڈ وار کورس (NSWC) کا حصہ ہے، دونوں ممالک کے درمیان تاریخی شراکت کومزیدمستحکم کرنے میں مدد دے گا۔ سفیر ترمذی نے زور دیا کہ اس طرح کے دورے دونوں ملکوں کے درمیان باہمی تعاون کوتقویت اور باہمی افہام و تفہیم کو فروغ دیتے ہیں۔اپنے قیام کے دوران، وفد یو اے ای کے سرکاری عہدیداروں، تھنک ٹینکس، اور دیگر اہم اداروں کے ساتھ ملاقات کرے گا۔