اپوزیشن لیڈر سندھ علی خورشیدی کی بھارتی جارحیت کے خلاف قرارداد جمع

کراچی، 8مئی (پی پی آئی) سندھ اسمبلی میں اپوزیشن لیڈر علی خورشیدی نے بھارتی جارحیت کے خلاف قرارداد جمع کرادی۔ اراکین اسمبلی نجم مرزا، انیل کمار، اور محمد دانیال بھی قرارداد کا حصہ بنے۔ قرارداد میں بھارت کی بزدلانہ کارروائی کو عالمی قوانین کی کھلی خلاف ورزی قرار دیا گیا ہے۔خورشیدی نے کہا کہ پاکستان ایک پْرامن ملک ہے، لیکن اپنے دفاع کا حق رکھتا ہے۔ انہوں نے مزید کہا کہ پاکستان کے دفاع پر کوئی سمجھوتہ نہیں ہو سکتا۔ بھارتی جارحیت پورے خطے کے امن کے لیے خطرہ ہے، جس کا سدباب ضروری ہے۔قرارداد میں شہداء کو خراجِ عقیدت پیش کیا گیا اور زخمیوں کی صحتیابی کی دعا کی گئی۔ خورشیدی نے کہا کہ قوم وطن کے دفاع کے لیے ہر قیمت پر متحد ہے۔ قرارداد میں بھارت کی عالمی قوانین کی خلاف ورزی کی نشاندہی کی گئی ہے۔