پوری قوم افواج پاکستان کے ساتھ کھڑی ہے، علی خورشیدی

کراچی، 7 مئی (پی پی آئی) اپوزیشن لیڈر سندھ اسمبلی علی خورشیدی نے بھارتی جارحیت کی مذمت کرتے ہوئے کہا کہ پاکستان کی خودمختاری پر حملہ برداشت نہیں کیا جائے گا۔ انہوں نے کہا کہ پاک فوج نے دشمن کو منہ توڑ جواب دیا اور پوری قوم افواج کے ساتھ کھڑی ہے۔خورشیدی نے کہا کہ شہری آبادی کو نشانہ بنانا بھارت کی کمزور سوچ کو ظاہر کرتا ہے۔ انہوں نے مزید کہا کہ بھارت کے پانچ طیارے گرا کر پاک فضائیہ نے دشمن کو واضح پیغام دیا ہے۔علی خورشیدی نے کہا کہ ایم کیو ایم پاکستان وطن کے دفاع کے لیے ہر فورم پر آواز بلند کرے گی۔ انہوں نے مودی کے جنگی جنون کو خطے کے امن کے لیے خطرہ قرار دیا۔