وزیراعظم، خالد مقبول صدیقی کا ٹیلیفونک رابطہ، دشمن کو جواب دینے کا عزم

کراچی، 10 مئی (پی پی آئی) وزیراعظم پاکستان میاں شہباز شریف اور ایم کیو ایم کے چیئرمین ڈاکٹر خالد مقبول صدیقی کے درمیان ٹیلی فونک گفتگو ہوئی، جس میں انہوں نے دشمن کی ہر سازش اور حملے کا منہ توڑ جواب دینے کے عزم کا اعادہ کیا۔ایم کیو ایم کے ترجمان کے مطابق وزیراعظم نے ڈاکٹر خالد مقبول کو پاکستان کے ابتدائی جوابی حملے کی تفصیلات سے آگاہ کیا۔دونوں رہنماؤں نے اتفاق کیا کہ کسی بھی جارحیت کا موثر جواب دیا جائے گا۔ ڈاکٹر خالد مقبول صدیقی نے بھارتی جارحیت کے جواب میں پاکستان کی مسلح افواج اور پاک فضائیہ کی پیشہ وارانہ صلاحیتوں کی تعریف کی۔وزیر اعظم شہباز شریف نے قوم کو متحد کرنے اور ان کے تحفظ کو یقینی بنانے کے لیے بروقت فیصلے کرنے کے عزم کا اظہار کیا۔