آپریشن بنیان المرصوص پر وزیراعلیٰ سندھ کا قوم کو پیغام

کراچی، 10مئی (پی پی آئی) وزیراعلیٰ سندھ سید مراد علی شاہ نے قوم کو یقین دہانی کرائی ہے کہ پاکستان کی خودمختاری پر کوئی آنچ نہیں آنے دی جائے گی۔ ان کا کہنا تھا کہ ہر محاذ پر دشمن کو جواب دیا جائے گا۔وزیراعلیٰ نے کہا کہ قوم متحد ہے اور مسلح افواج کی قربانیوں کو سلام پیش کرتی ہے۔ انہوں نے دشمن کی جارحیت کا بھرپور جواب دینے پر زور دیا اور کہا کہ آپریشن بْن??َان? مَّر?صْو?ص نے قوم کا سر فخر سے بلند کر دیا ہے۔انہوں نے بھارتی جنگی جنون کو خطے کے امن کے لیے خطرہ قرار دیا اور کہا کہ پاکستان ایک پْرامن اور ذمہ دار ملک ہے، مگر قومی سلامتی پر کوئی سمجھوتا نہیں کیا جائے گا۔وزیراعلیٰ نے اقوام متحدہ اور عالمی برادری سے بھارتی جارحیت کا نوٹس لینے کی اپیل کی۔ ان کا کہنا تھا کہ سندھ کے عوام پاک فوج کے شانہ بشانہ کھڑے ہیں۔انڈین ایئر بیسز پر جوابی کارروائی کو قوم کے اعتماد کا مظہر قرار دیتے ہوئے انہوں نے مزید کہا کہ دشمن کو منہ توڑ جواب دینا وقت کی ضرورت تھی۔