مظفرآباد، 11مئی (پی پی آئی) صدر آزاد جموں وکشمیر بیرسٹر سلطان محمود چوہدری نے پاک فوج کی بھارت کے خلاف کامیابیوں پر فخر کا اظہار کرتے ہوئے کہا ہے کہ افواج پاکستان نے بھارت کی جارحیت کا مؤثر حکمت عملی سے جواب دیا ہے۔ انہوں نے مزید کہا کہ پاک فضائیہ کی پیشہ ورانہ مہارت نے بھارت کے جنگی جہازوں کو تباہ کر کے دشمن کے عزائم کو ناکام بنا دیا ہے۔صدر آزاد کشمیر نے اپنے بیان میں کہا کہ پاک فضائیہ نے بھارت کے ان ٹھکانوں کو نشانہ بنایا جہاں سے پاکستان میں دہشت گردی کی منصوبہ بندی ہو رہی تھی۔ انہوں نے کہا کہ یہ کامیابی پاک فضائیہ کی بہترین تربیت کا منہ بولتا ثبوت ہے۔صدر آزاد کشمیر نے عالمی برادری بالخصوص امریکی صدر ڈونلڈ ٹرمپ کا شکریہ ادا کیا جن کی کوششوں سے پاکستان اور بھارت کے درمیان جنگ بندی ممکن ہوئی۔ انہوں نے اس امر پر زور دیا کہ کشمیر کے مسئلے کے حل کے لئے کشمیریوں کو بھی مذاکرات کی میز پر لایا جائے تاکہ دیرپا امن قائم ہو سکے۔انہوں نے کہا کہ مسئلہ کشمیر پاکستان اور بھارت کے درمیان اصل تنازعہ ہے اور عالمی برادری کو اس مسئلے کے حل کے لئے کردار ادا کرنا چاہیے۔ انہوں نے کہا کہ کشمیری عوام کو اقوام متحدہ کی قراردادوں کے مطابق حق خودارادیت دیا جائے۔صدر آزاد کشمیر نے جنگ میں شہید ہونے والے شہداء کو خراج عقیدت پیش کرتے ہوئے ان کی قربانیوں کو یاد رکھنے کی ضرورت پر زور دیا۔ انہوں نے کہا کہ جنگ کسی مسئلے کا حل نہیں اور خطے میں امن کے لئے مذاکرات ہی واحد راستہ ہے۔
Next Post
آزادکشمیر میں خواتین کی معاشی شراکت داری کے مواقع بڑھائے جائیں گے: صدر آزاد کشمیر
Sun May 11 , 2025
مظفرآباد، 11مئی (پی پی آئی) صدر آزاد جموں و کشمیر بیرسٹر سلطان محمود چوہدری نے اس بات پر زور دیا ہے کہ خواتین کا معاشرے میں اہم کردار ہے اور انہیں معاشی ترقی کے مواقع فراہم کرنے کے لیے ہر شعبے میں آگے بڑھنا ہوگا۔ ان خیالات کا اظہار انہوں […]