ڈاکٹر عافیہ کی صحت اور وطن واپسی کے کیس کی سماعت اسلام آباد ہائی کورٹ میں آج ہوگی

کراچی،12مئی (پی پی آئی) ڈاکٹر عافیہ کی صحت، زندگی اور وطن واپسی سے متعلق کیس کی سماعت منگل 13 مئی 2025 کو اسلام آباد ہائی کورٹ میں ہوگی۔ کیس کی سماعت مسٹر جسٹس سردار اعجاز اسحاق خان کی عدالت کورٹ روم نمبر 5 میں ہوگی۔ آئینی پٹیشن نمبر 3139/2015 کے تحت یہ کیس سماعت کے لیے پیش کیا جائے گا، جس کا سیریل نمبر 1 ہے۔ڈاکٹر فوزیہ صدیقی، امریکی وکلاء   کلائیو اسمتھ، ماریہ کاری اور تانیہ صدیقی آن لائن سماعت میں شریک ہوں گے۔ سینیٹر مشتاق احمد خان اور ایڈوکیٹ عمران شفیق سماعت کے بعد میڈیا کو بریفنگ دیں گے۔یہ کیس ڈاکٹر عافیہ کی صحت اور زندگی کی حفاظت کے حوالے سے اہمیت رکھتا ہے اور اس کی وطن واپسی کے لیے کی جانے والی کوششوں کا بھی حصہ ہے۔