مظفرآباد، 12 مئی (پی پی آئی) صدر آزاد جموں وکشمیر بیرسٹر سلطان محمود چوہدری اور قائمقام وائس چانسلر آزاد جموں وکشمیر یونیورسٹی پروفیسر ڈاکٹر ندیم حیدر بخاری کے درمیان ایوان صدر مظفرآباد میں اہم ملاقات ہوئی۔ ملاقات کے دوران جامعہ کشمیر کی تعلیم اور ترقیاتی منصوبوں کے حوالے سے تفصیلی بریفنگ دی گئی۔قائمقام وائس چانسلر پروفیسر ڈاکٹر ندیم حیدر بخاری نے صدر آزاد جموں وکشمیر کو یونیورسٹی کے جاری ترقیاتی پروجیکٹس، تعلیمی سرگرمیوں اور درپیش مسائل کے بارے میں آگاہ کیا۔صدر آزاد جموں وکشمیر بیرسٹر سلطان محمود چوہدری نے یونیورسٹی میں معیار تعلیم کو بہتر بنانے کے لئے تمام وسائل بروئے کار لانے کی ہدایت کی اور یقین دہانی کرائی کہ وہ اس سلسلے میں ہر ممکن تعاون فراہم کریں گے ملاقات کے دوران صدر آزاد جموں وکشمیر اور قائمقام وائس چانسلر کے درمیان باہمی دلچسپی کے امور پر بھی تبادلہ خیال ہوا۔
Next Post
بولان میڈیکل کالج کوئٹہ میں تعلیمی سرگرمیوں کا آغاز 16 مئی کو ہوگا
Mon May 12 , 2025
کوئٹہ، 12 مئی (پی پی آئی) بولان میڈیکل کالج کوئٹہ میں تعلیمی سرگرمیاں 16 مئی 2025 کو دوبارہ شروع ہونے والی ہیں، جیسا کہ ادارے کے پرنسپل کے تازہ ترین نوٹیفکیشن میں بتایا گیا ہے۔یہ اعلان، جو 11 مئی 2025 کو جاری کیا گیا، طلبا اور عملے کو مطلع کرتا […]