شاہ عبداللطیف لاکالج نوشہرو فیروز میں طلباکیلئے 75 فیصد حاضری لازم

نوشہرو فیروز،13مئی (پی پی آئی)شاہ عبداللطیف لاکالج نوشہرو فیروز کے پرنسپل ایڈوکیٹ نظیر احمد نے طلباسے خطاب کرتے ہوئے اعلان کیا کہ یونیورسٹی کی پالیسی کے مطابق اب روزانہ کلاسز کا انعقاد ہوگا اور امتحانات کے لیے طلباکو 75 فیصد حاضری کا ہونا لازمی ہوگا۔نئے پرنسپل نے تمام طلباسے ملاقات کی اور ان کے مسائل سنے۔ انہوں نے یقین دہانی کرائی کہ ان کے مسائل کو جلد حل کیا جائے گا۔پرنسپل نظیر احمد نے کہا کہ اسٹاف اور طلبہ کی مشترکہ کاوشوں سے کالج کو ترقی دی جائے گی۔ انہوں نے کالج میں بہتر تعلیمی نظام کی تشکیل کے لیے لائبریری، موٹکورٹ اور قابل اساتذہ کی موجودگی کو یقینی بنانے کا ارادہ ظاہر کیا۔