ایچ بی ایل پی ایس ایل X کا دوبارہ آغاز ہفتہ سے،پشاور زلمی اور کراچی کنگز مد مقابل

لاہور، 14مئی (پی پی آئی)  ایچ بی ایل پی ایس ایل  کا دوبارہ آغاز ہفتہ، 17 مئی کو ہو رہا ہے، جہاں پشاور زلمی کا مقابلہ کراچی کنگز سے راولپنڈی کرکٹ اسٹیڈیم میں ہوگا۔ چھ ٹیموں پر مشتمل یہ ٹورنامنٹ 25 مئی کو لاہور کے قذافی اسٹیڈیم میں فائنل کے ساتھ اختتام پذیر ہوگا۔راولپنڈی کرکٹ اسٹیڈیم 18 مئی کو ایک ڈبل ہیڈر کی میزبانی کرے گا۔ ملتان سلطانز کا مقابلہ دوپہر 3 بجے کوئٹہ گلیڈی ایٹرز سے ہوگا۔ شام میں، پشاور زلمی کا سامنا لاہور قلندرز سے رات 8 بجے ہوگا۔19 مئی کو اسلام آباد یونائیٹڈ اور کراچی کنگز ایونٹ کے آخری گروپ میچ میں مد مقابل ہوں گے۔ اس کے بعد ٹورنامنٹ کے ناک آؤٹ مرحلے کے لیے لاہور منتقل ہو جائے گا۔پہلا کوالیفائر 21 مئی کو شیڈول ہے، جس کے بعد ایلیمینیٹر 1، 22 مئی کو اور کوالیفائر 2، 23 مئی کو ہوگا۔ تمام ناک آؤٹ میچز مقامی وقت کے مطابق رات 7.30 بجے شروع ہوں گے۔