میرپورخاص، 17مئی (پی پی آئی) میرپور مائینر شاخ کے آباد گاروں نے پانی چوری کے خلاف احتجاجی مظاہرہ کیا۔ مظاہرین نے با اثر افراد کے خلاف کارروائی کا مطالبہ کیا جن پر شاخ سے پانی چوری کا الزام ہے۔شاخ کے زمینداروں نے آموں کے تباہ شدہ باغ میں احتجاج کیا۔ عثمان مکرانی، اللہ بخش مکرانی، غلام علی دل، محمد خان مکرانی، قربان سموں، علی ڈنو مری سمیت سینکڑوں کاشتکاروں نے شرکت کی۔ مظاہرین نے کہا کہ پانی کی کمی سے ان کی فصلیں تباہ ہو گئی ہیں۔علی محمد مکرانی نے کہا کہ غیر قانونی پائپس کے ذریعے پانی چوری ہو رہا ہے۔ زمینداروں کو پانی کی شدید قلت کا سامنا ہے اور ان کے واٹر کورسز میں ریت اڑ رہی ہے۔ پانی کی کمی سے کروڑوں روپے کے آموں کے باغات متاثر ہوئے ہیں۔زمینداروں نے کہا کہ جون میں منعقد ہونے والے مینگو فیسٹیول کے لیے آم کہاں سے لائے جائیں گے۔ انہوں نے عدالت کے حکم پر عمل درآمد کا مطالبہ کیا۔ اس شاخ پر پانی کی وارابندیاں ختم کرنے کا حکم جاری ہوا تھا۔زمینداروں نے ایم این اے پیر آفتاب حسین شاہ جیلانی سے مطالبہ کیا کہ شاخ پر تعینات بابر چانڈیو اور دیگر عملے کو برطرف کیا جائے۔ احتجاج کے دوران مظاہرین نے با اثر پانی چوروں کے خلاف شدید نعرے بازی کی۔
Next Post
پاکستانی پہلوان انعام بٹ کی بین الاقوامی ایونٹس میں شرکت کیلئے کروشیا روانہ ہوں گے
Sat May 17 , 2025
اسلام آباد، 17مئی (پی پی آئی) پاکستانی پہلوان انعام بٹ 28 مئی کو کروشیا روانہ ہوں گے، جہاں وہ بیچ ریسلنگ ورلڈ سیریز میں شرکت کریں گے۔یہ مقابلے 30 مئی سے یکم جون تک کروشیا میں منعقد ہوں گے۔ انعام بٹ نے اعلان کیا ہے کہ وہ مائنس 90 کے […]