شوہر نے بیوی پر پیٹرول چھڑک کر آگ لگا دی

تلہار، 23 مئی (پی پی آئی) تلہار کے نواحی گاوں محمد حسن عمرانی میں ایک افسوسناک واقعہ پیش آیا جہاں اللہ ڈنو عمرانی نے مبینہ طور پر اپنی بیوی مریم عمرانی پر پیٹرول چھڑک کر آگ لگا دی۔ مریم عمرانی، جن کی عمر 35 سال تھی، اس واقعے میں شدید زخمی ہو گئیں۔ ان کو فوری طور پر انڈس اسپتال بدین منتقل کیا گیا، لیکن وہ جانبر نہ ہو سکیں اور زندگی کی بازی ہار گئیں۔اطلاع کے مطابق، اس واقعے کے خلاف قانونی کارروائی کا آغاز ہو چکا ہے۔ فوتی عورت کے دیور امتیاز عمرانی کی فریاد پر تلہار پولیس اسٹیشن میں اللہ ڈنو عمرانی کے خلاف رپورٹ درج کر لی گئی ہے۔تاحال ملزم اللہ ڈنو عمرانی کی گرفتاری عمل میں نہیں آئی ہے، جبکہ پولیس کی جانب سے مزید تحقیقات جاری ہیں۔