مبینہ پولیس مقابلہ میں دوسرا زخمی ڈاکو دم توڑ گیا

پڈعیدنِ23,مئی (پی پی آئی)  مبینہ پولیس مقابلہ میں زخمی ہونے والے دوسرے ڈاکو شفیق عرف شفو راجپر نے نواب شاہ اسپتال جاتے ہوئے دم توڑ دیا۔ پڈعیدن پولیس تھانہ کی حدود میں ہونے والے اس مقابلے میں پولیس کے مطابق ڈاکو شفیق کی نعش ضروری کارروائی کے بعد ورثائکے حوالے کر دی گئی ہے۔یاد رہے کہ یہ واقعہ گذشتہ روز ٹیل شاخ کے قریب پیش آیا تھا۔ جہاں مبینہ طور پر ڈاکیتی کر کے فرار ہونے والے ڈاکوؤں اور پولیس کے درمیان مقابلہ ہوا۔ اس مقابلے میں ڈاکو گلزار راجپر ولد مٹھل راجپر موقع پر ہی جاں بحق ہو گیا تھا جبکہ شفیق عرف شفو راجپر زخمی ہوا تھا۔پولیس نے ڈاکوؤں کے خلاف کارروائی جاری رکھنے کا عزم ظاہر کیا ہے۔ واقعے کی مزید تحقیقات جاری ہیں تاکہ اس قسم کے واقعات کی روک تھام کی جا سکے۔