شہدائے ٹریفک پولیس ٹرافی گرلز باسکٹ بال ٹورنامنٹ کا کوارٹر فائنل آج ہوگا

کراچی، 27 مئی (پی پی آئی)  شہدائے ٹریفک پولیس ٹرافی گرلز باسکٹ بال ٹورنامنٹ کا  28 مئی کو کوارٹر فائنل جبکہ 29 مئی کو سیمی فائنل اور فائنل مقابلے ہوں گے۔فائنل کی تقریب تقسیم انعامات میں ڈی آئی جی ٹریفک کراچی پیر محمد شاہ مہمان خصوصی ہوں گے اور کھلاڑیوں و ٹیکنکل آفیشلز میں نقد اور دیگر انعامات تقسیم کریں گے۔آئی جی سندھ غلام نبی میمن، اے آئی جی پی جاوید عالم اوڈھو، ڈی آئی جی ویسٹ عرفان بلوچ، ڈی آئی جی ساؤتھ سید اسد رضا، اور ڈی آئی جی ایسٹ عثمان غنی صدیقی نے ٹورنامنٹ کے انعقاد پر منتظمین کو مبارکباد دی ہے اور تعاون کی یقین دہانی کروائی ہے۔بی غلام محمد خان نے ایس ایس ڈبلیو ایم بی کے ایم ڈی طارق علی نظامانی، صدر ٹاؤن کے ایم سی نور حسن جوکھیو اور محکمہ باغات کا ٹورنامنٹ میں مدد کرنے پر تشکر کا اظہار کیا ہے۔