قلات میں زلزلے کے جھٹکوں سیلوگوں میں خوف و ہراس

کوئٹہ، 27 مئی (پی پی آئی)قلات میں زلزلے کے جھٹکے محسوس کئے گئے، جس سے لوگوں میں خوف و ہراس پھیل گیا۔ زلزلہ پیما مرکز کے مطابق شدت 3.6 اور گہرائی 10 کلومیٹر ریکارڈ کی گئی۔زلزلے کا مرکز قلات سے 180 کلومیٹر مشرق میں تھا۔ زلزلے کے بعد شہریوں نے گھروں سے باہر نکل کر کھلی جگہوں کا رخ کیا۔ زلزلے کے نتیجے میں فوری طور پر کسی جانی یا مالی نقصان کی اطلاع نہیں ملی۔ شہریوں کو احتیاطی تدابیر اختیار کرنے کی ہدایت کی گئی ہے۔زلزلہ پیما مرکز نے مزید جھٹکوں کے امکان کو رد نہیں کیا اور عوام سے محتاط رہنے کی اپیل کی ہے۔