آل سندھ انٹر ڈسٹرکٹ ہاکی چیمپئن شپ 15 جولائی سے شروع ہوگی

کراچی، 3 جولائی 2025 (پی پی آئی): آل سندھ انٹر ڈسٹرکٹ ہاکی چیمپئن شپ 15 جولائی سے عبدالستار ایدھی ہاکی اسٹیڈیم کراچی میں شروع ہوگی جس میں صوبہ بھر کے تمام اضلاع سے تیمیں شریک ہوں گی ۔چمپئن شپ کی کراچی ہاکی ٹیم میں جگہ بنانے کے لیے کھلاڑیوں کے ٹرائلز پیر، 7 جولائی کو سہ پہر 3:30 بجے، اصلاح الدین ہاکی اکیڈمی، نارتھ ناظم آباد میں ہوں گے۔کراچی ہاکی ایسوسی ایشن کے سربراہ، خواجہ جنید الحسن نے تمام اہل کھلاڑیوں سے شرکت کی اپیل کی ہے۔ شرکاء سہ پہر 3:00 بجے تک ایسوسی ایشن کے رکن عظمت پاشا کو رپورٹ کریں۔اولمپئنز سمیر حسین، کاشف جواد، محمد انیس، انٹرنیشنل سرفراز احمد، اور ارشد حیدر پر مشتمل سلیکشن پینل کھلاڑیوں کا جائزہ لے گا۔ منتخب کھلاڑیوں کو وظیفہ بھی دیا جائے گا۔ ٹیم مینجمنٹ کا اعلان بعد میں کیا جائے گا