کراچی، یکم ستمبر (پی پی آئی)): کراچی چیمبر آف کامرس اینڈ انڈسٹری (کے سی سی آئی) کے صدر جاوید بلوانی نے حکومت سے مطالبہ کیا کہ وہ صنعتوں کی ترقی اور سرمایہ کاری کے فروغ کے لیے ٹیکس اور یوٹیلیٹی ٹیرف میں کمی کرے۔ افروز ٹیکسٹائل کے نئے “بیڈ اینڈ باتھ” آؤٹ لیٹ کا افتتاح ٹیپو سلطان روڈ پر کیا گیا۔ اس موقع پر کاروباری شخصیات کی بڑی تعداد موجود تھی۔ یہ اسٹور مقامی صارفین کو ایکسپورٹ کوالٹی کے بیڈ شیٹس، تولیے اور دیگر گھریلو ٹیکسٹائل مصنوعات پیش کرے گا۔ موجودہ مشکل معاشی حالات میں یہ ایک مثبت پیش رفت ہے۔
افتتاحی تقریب میں سابق ٹی ڈی اے پی سی ای او اور بزنس مین گروپ کے چیئرمین زبیر موتی والا، کے سی سی آئی کے صدر جاوید بلوانی، افروز ٹیکسٹائل کے چیئرمین فیروز عالم لاری سمیت دیگر صنعت کاروں اور معززین نے شرکت کی۔