جنوبی پنجاب کیلئے پی پی نے کچھ نہیں کیا۔ ترقی ہمارے دور میں ہوئی :مسلم لیگ (ن)

لاہور، 9-اکتوبر-2025 (پی پی آئی):مسلم لیگ (ن) نے ایک اخباری بیان میں دعویٰ کیا ہے کہ پیپلزپارٹی خود کو جنوبی پنجاب کی نمائندہ کہتی ہے اور الگ صوبے کی حامی ہے مگر 2008 سے 2013 میں وفاق میں ہونے کے باوجود کوئی عملی کام (یونیورسٹی، ہسپتال، انڈسٹری) نہیں کیا۔ ترقی مسلم لیگ (ن) کے دور میں ہوئی، خصوصاً صحت، تعلیم اور انفرااسٹرکچر میں۔اب وزیراعلیٰ مریم نواز نے پہلے دن سے محرومیاں دور کرنا شروع کر دی ہیں۔ پیپلزپارٹی کو خوف ہے کہ یہ ترقی ان کے سیاسی خاتمے کا باعث بنے گی۔ کیونکہ عوام جانتے ہیں کہ کون صرف باتیں کرتا ہے اور کون کام۔۔