اسلام آباد اور راولپنڈی کی متعدد سڑکوں پر رکاوٹیں اور متبادل راستے

اسلام آ باد(پی پی آ ئی) اسلام آباد اور راولپنڈی کی متعدد سڑکوں پر ایک بار پھر رکاوٹیں کھڑی کر دی گئی ہے۔اسلام آباد پولیس نے ٹوئٹر پر ایک فہرست جاری کی ہے جس کے تحت ریڈ زون، سرینگر ہائیوے، اسلام آباد ایکسپریس وے، مری روڈ اور جی ٹی روڈ پر کچھ رکاوٹیں لگائی گئی ہیں اور متبادل راستے دیے گئے ہیں۔واضح رہے کہ گذشہ روز پولیس نے ایک بیان میں کہا تھا کہ ’اسلام آباد کے اندر آمد و رفت کے تمام راستے کھلے ہیں۔ جبکہ بین الاضلاعی آنے اور جانے کے راستے مظاہرین نے مسدود کر دیے ہیں۔ رینجرز اور ایف سی کے اہلکار گشت پر ہیں۔