لاہور(پی پی آئی)پاکستان تحریک انصاف کے ‘حقیقی آزادی لانگ مارچ‘ کا دوبارہ آغاز اس وقت الجھن کا شکار ہوگیا جب پارٹی چیئرمین عمران خان کی جانب سے 8 نومبرکے اعلان کردہ شیڈول پر 2 بار نظر ثانی کی گئی۔ پہلے پارٹی رہنما فواد چوہدری نے کہا کہ مارچ 9 نومبر کو دوبارہ شروع ہوگا اور بعد میں سینیٹر فیصل جاوید خان نے ٹوئٹ کیا کہ لانگ مارچ کی نئی تاریخ 10 نومبر ہے، یہی اعلان پی ٹی آئی کے آفیشل ٹوئٹر اکاؤنٹ سے بھی کیا گیا۔تاریخ کے ردوبدل سے شرکاء غیریقینی کیفیت کا شکار نظر آتے ہیں۔