حکومتی دعوؤں کے برعکس پاکستان کی برآمدات تنزلی کا شکار،درآمدات میں اضافہ

کراچی (پی پی آئی)حکومتی دعوؤں کے برعکس پاکستان کی برآمدات تنزلی کا شکارہیں، دستاویزات کے مطابق ایک ماہ کے دوران ایکسپورٹ میں پچھتر ملین ڈالرز کی کمی واقع ہوئی ہے۔ ماہ ستمبر میں 2446، اکتوبر میں 2371 ملین ڈالر کی ایکسپورٹ ہوئی۔پی پی آئی کے مطابق    ایک ماہ کے دوران ایکسپورٹ سے دوگنا زیادہ 4636 ملین کی اشیاء امپورٹ کی گئیں۔ ایک ماہ کے دوران ایکسپورٹ میں 3.07 فیصد کمی واقع ہوئی۔ایکسپورٹرز کا کہنا ہے کہ پیداواری لاگت زیادہ ہونے کے باعث بین الاقوامی خریدار یہاں کا رخ نہیں کر رہا۔ کرسمس اور نئے سال کی آمد کے باوجود آڈرز نہیں مل رہے۔