شہید 25 مئی فیصل کے اہلخانہ کی کپتان سے ملاقات

لاہور(پی پی آئی)پاکستان تحریک انصاف کے چیئرمین عمران خان سے 25 مئی کو لاہور میں شہید ہونے والے فیصل شہید کے اہل خانہ کی ملاقات ہوئی ہے۔پی پی آئی کے مطابق  ملاقات میں عمران خان نے وکلا ٹیم کو فیصل شہید کیس کی ایف آئی آر اور تفشیش کے حوالے سے جلد از جلد رپورٹ پیش کرنے کی ہدایت کی۔یاد رہے کہ پی ٹی آئی کا  کارکن فیصل 25 مئی کو راوی پْل پر پولیس کے مبینہ تشدد سے دریا میں گر کر جاں بحق ہوا تھا۔