اسلام آباد، 14-نومبر-2025 (پی پی آئی): وفاقی آئینی عدالت کے پہلے چیف جسٹس، جسٹس امین الدین خان نے آج اسلام آباد میں اپنے عہدے کا حلف اٹھا لیا۔
صدر آصف علی زرداری نے ایوان صدر میں منعقدہ ایک تقریب میں وفاقی آئینی عدالت کے چیف جسٹس سے حلف لیا۔
تقریب حلف برداری میں وزیراعظم شہباز شریف، نائب وزیراعظم اسحاق ڈار، چیئرمین سینیٹ سید یوسف رضا گیلانی، اسپیکر قومی اسمبلی سردار ایاز صادق، چیف جسٹس سپریم کورٹ آف پاکستان جسٹس یحییٰ آفریدی، چیئرمین جوائنٹ چیفس آف اسٹاف کمیٹی جنرل شاہد شمشاد مرزا، چیف آف آرمی اسٹاف فیلڈ مارشل سید عاصم منیر، چیف آف نیول اسٹاف ایڈمرل نوید اشرف، وفاقی وزراء، اراکین پارلیمان اور دیگر اعلیٰ حکام نے شرکت کی۔