کراچی، 3 دسمبر 2025 (پی پی آئی): سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی) نے شارع فیصل پر دو نئے خصوصی یونٹس قائم کئے ہیں۔آج سرکاری طور پر بتایا گیا کہ پاکستان پیپلز پارٹی کے چیئرمین بلاول بھٹو زرداری کے ہاتھوں باقاعدہ افتتاح کے ساتھ ہی عوام کو جدید ڈائیلاسز اور لیتھو ٹریپسی کی مفت خدمات تک رسائی حاصل ہو جائے گی،
نئے قائم ہونے والے ڈائیلاسز سینٹر کو ڈاکٹر سید ہارون احمد اور لیتھو ٹریپسی یونٹ کو سینئر صحافی مرحومہ زبیدہ مصطفیٰ سے موسوم کیا گیا ہے۔
دونوں مراکز جدید ترین ٹیکنالوجی سے آراستہ ہیں تاکہ عام شہریوں کو جدید ترین طبی علاج اور خدمات مفت فراہم کی جا سکیں ۔