کراچی، 13-جنوری-2026 (پی پی آئی):ایس آئی یو ٹی کے سربراہ پروفیسر ادیب رضوی نے ایک سوگوار خاندان کے بے لوث عمل کی بدولت، آنکھوں کی پیوند کاری کے بعد 45 سالہ شخص اور 21 سالہ طالب علم کی بینائی کامیابی سے بحالی پر سوگوار خاندان کو خراجِ تحسین پیش کیا ہے ۔
ایس آئی یو ٹی کے سربراہ پروفیسر ادیب رضوی نے عطیہ دہندہ کے خاندان کو شدید ذاتی دکھ کے وقت میں کیے گئے اس ہمدردانہ فیصلے پر خراج تحسین پیش کیا۔
خاندان کے اس عمل کو سراہتے ہوئے پروفیسر رضوی نے کہا، “شدید غم کی حالت میں دوسروں کا سوچنا انسانیت کی اعلیٰ ترین شکل ہے۔”
انہوں نے عوام سے بھی اپیل کی کہ زیادہ سے زیادہ لوگ بعد از مرگ اعضاء عطیہ کرنے کی تحریک کا حصہ بنیں۔
پروفیسر رضوی نے اس بات پر زور دیا کہ اس طرح کے اقدام سے درد اور تکلیف میں مبتلا مریضوں کی جانیں بچائی جا سکتی ہیں اور ان کے معیارِ زندگی کو بہتر بنایا جا سکتا ہے۔