عمران خان کے تماشے بند ہونے کا وقت ہو چکا ہے: مریم اورنگزیب

اسلام آباد(پی پی آ ئی) وفاقی وزیر اطلاعات مریم اورنگزیب نے کہا ہے کہ عمران خان کے تماشے بند ہونے کا وقت ہو چکا ہے۔لیگی رہنما مریم اورنگزیب نے کہا ہے کہ 4 سال سے عمران خان نے ملک و قوم کو تماشا بنائے رکھا ہے تاہم اب وہ خود تماشا بن چکے ہیں لیکن اب عمران خان کے تماشے بے نقاب ہو چکے ہیں۔انہوں نے کہا کہ عمران خان نے 4 سال الزام، بہتان اور جھوٹ کا تماشہ لگایا جبکہ عمران خان نے عوام کے روزگار اور مہنگائی پر بھی تماشہ لگایا، 4 سال سے ملک میں نہ صرف لوٹ مار کے تماشے لگائے گئے بلکہ ذاتی سیاست پر قومی مفادات قربان کرنے کے بھی تماشے لگائے گئے۔انہوں نے کہا کہ لوگوں کی پگڑیاں اچھالنے کے تماشے کیے گئے تاہم اب عمران خان کے تماشے بند ہونے کا وقت ہو چکا ہے۔