اٹک میں آئل ٹینکر ریلوے پھاٹک سے ٹکرا گیا

اٹک(پی پی آ ئی) اٹک کے علاقے فتح جنگ کے قریب آئل ٹینکر ریلوے پھاٹک کی حفاظتی باڑ سے ٹکرا گیا، جس کے بعد سڑک کو دونوں اطراف سے سیل کردیا گیا ہے۔ واقعہ کی اطلاع ملتے ہی پولیس اور ریسکیو ٹیموں موقع پر پہنچ گئیں، جس کے بعد سڑک کو دونوں اطراف سے سیل کیا گیا ہے۔رپورٹ کے مطابق ٹینکر میں 60 ہزار لیٹر آئل موجود ہے، جو حادثے کے بعد ٹینکر سے لیک ہو کر سڑک پر بہہ رہا ہے۔ ڈرائیور کا کہنا ہے کہ موڑ کاٹتے ہوئے یہ حادثہ رونما ہوا، معلوم نہیں ٹینکر کیسے ریلوے باڑ سے ٹکرایا۔