موجودہ حکومت کو ملنے والے قرضوں اور امداد کی تفصیلات

اسلام آ باد(پی پی آ ئی) وفاقی وزیر اقتصادی امور ایاز صادق نے موجودہ حکومت کو ملنے والے غیر ملکی قرضوں اور امداد کی تفصیلات قومی اسمبلی میں جمع کرادیں۔وفاقی وزیر اقتصادی امور نے اپنے تحریری جواب میں بتایا کہ موجودہ حکومت کو امداد اور قرضوں کی مد میں مجموعی طور پر 5665.83 ملین ڈالر ملے۔ حکومت کو 5609.92 ملین ڈالرقرض کی مد میں جب کہ 55.92 ملین ڈالر امداد کی رقم ملی۔دوسری جانب قومی اسمبلی کے اجلاس میں وزارت خزانہ نے بھی 4 نومبر تک غیر ملکی زرمبادلہ ذخائرکی تفصیلات پیش کردیں۔وزارت خزانہ کے جواب کے مطابق ملکی زرمبادلہ کے مجموعی ذخائر 13 ارب 72 کروڑ 10 لاکھ ڈالر سے زائد ہیں، جن میں سے اسٹیٹ بینک کے پاس 7 ارب 95 کروڑ 70 لاکھ ڈالر سے زائد اور کمرشل بینکس کے پاس 5 ارب 76 کروڑ 40 لاکھ ڈالر کے ذخائر ہیں۔