پاکستان میں 30 ہزار پولٹری فارم بند ہونے کا خدشہ

کراچی (پی پی آئی) ملک میں سویا بین سیڈز کی قلت کے سبب 30ہزار سے زائد پولٹری فارمز بند اور سینکڑوں فیڈملز کے متاثرہ ہونے کا خدشہ پیدا ہو گیا۔پی پی آئی کے مطابق بندرگاہ پر 1لاکھ 30ہزار ٹن سویا بین بیج کھلے آسمان تلے پڑے ہیں، جن کی مالیت 22ارب روپے ہے۔ اگر یہ سیڈز فوری ریلیز نہ کیے گئے تو اگلے دو ہفتوں میں ملک میں نہ صرف مرغی اور انڈے دستیاب نہیں ہوں گے بلکہ دودھ اور گوشت کی بھی قلت پیدا ہو جائے گی جبکہ اس سے 300سے زائد فیڈ ملز براہ راست متاثر ہوں گی۔