عمران خان کا قطر میں فٹبال ورلڈ کپ کے آغاز پر پیغام

اسلام آ باد/دوحہ(پی پی آ ئی) پاکستان تحریک انصاف کے سربراہ نے دنیا کے سب سے مقبول ترین کھیل فٹبال کے عالمی کپ کے قطر میں انعقاد پر نیک خواہشات کا اظہار کیا ہے۔سماجی رابطے کی ویب سائٹ ٹو ئٹر پر فٹبال ورلڈ کپ کے آغاز کے حوالے سے اپنے تہنیتی پیغام میں عمران خان نے قطر میں فٹبال ورلڈ کپ کے انعقاد پر نیک خواہشات کا اظہار کیا ہے۔عمران خان نے کہا کہ یہ پہلی بار ہے کہ کوئی مسلم ملک دنیا کے سب سے بڑے ایونٹ کی میزبانی کر رہا ہے۔انہوں نے فٹبال ورلڈ کپ میں حصہ لینے والی تمام ٹیموں کے لیے بھی نیک خواہشات کا اظہار کیا ہے۔قطر میں ایک ماہ تک جاری رہنے والے دنیا کے سب سے مقبول کھیل فٹبال کے عالمی کپ میں 32 ممالک کی ٹیمیں ٹرافی اٹھانے کے جذبے کے ساتھ شرکت کریں گی۔ تاہم فیصلہ 18 دسمبر کو ہوگا کہ دنیائے فٹبال پر حکمرانی کا تاج کس کے سر سجے گا۔