100،50،10، 1000روپے کے بڑے نوٹ31 دسمبر کے بعدچلنا بند ابھی تبدیل کروا لیں، بعد میں یہ نوٹ بے کار ہو جائیں گے سٹیٹ بینک کا اعلان

کراچی (پی پی آئی)سٹیٹ بینک آف پاکستان نے بڑے سائز کے نوٹوں کو بند کر نے کا اعلان کیا ہے اور ساتھ ہی شہریوں کو ہدایت جاری کی ہے کہ 31 دسمبر سے پہلے ہی کرنسی کو تبدیل کر لیں ورنہ بعد میں یہ نوٹ بے کار ہو جائیں گے۔ تفصیلات کے مطابق اسٹیٹ بینک آف پاکستان کی جانب سے ایک پیغام جاری کیا گیا ہے، جس میں بتایا گیا ہے کہ پاکستانی کرنسی کے پرانے بڑے سائز کے نوٹ جن میں 10،100,50اور ایک ہزار روپے والے نوٹ شامل ہیں, 31 دسمبر سے بند ہونے جارہے ہیں، پیغام میں مزید کہا گیا ہے کہ اگر اپنی کرنسی کو محفوظ رکھنا چاہتے ہیں تو ان نوٹوں کو نئے،جدید اور چھوٹے سائز کے کرنسی نوٹ میں تبدیل کروا لیں۔