پاکستان سمیت دنیا بھر میں ایڈز سے آگاہی کا دن پاکستان میں ایچ آئی وی وائرس میں ہولناک اضافہ،متاثرہ مریضوں کی تعداد 2 لاکھ 10 ہزار

کرا چی(پی پی آ ئی) پاکستان سمیت دنیا بھر میں ایچ آئی وی ایڈز سے بچاؤ اور آگاہی کا عالمی دن جمعرات کے روز منایا گیا۔ ماہرین طب کا کہنا ہے کہ دنیا بھر میں ایڈز کے مریضوں میں کمی آرہی ہے لیکن پاکستان میں ایچ آئی وی وائرس میں ہولناک اضافہ ہورہا ہے۔پاکستان میں ایڈز پھیلنے کی سب سے بڑی وجہ نشہ کرنے والے افراد کا سرنجوں کا غلط استعمال ہے۔پاکستان میں وائرس سے متاثرہ مریضوں کی تعداد 2 لاکھ 10 ہزار ہوگئی ہے، جنوری سے نومبر 2022 تک کراچی میں 970 مریض رپورٹ ہوئے۔رپورٹس کے مطابق کوئٹہ اور گوادر سمیت بلوچستان کے 6 اضلاع ہائی رسک قرار دیے گئے ہیں۔واضح رہے کہ ایڈز کا عالمی دن دنیا میں پہلی مرتبہ 1987 میں منایا گیا۔