عثمان بزدار کے خلاف تحریک عدم اعتماد پرویز الٰہی کے کہنے پر جمع کرائی تھی، لیگی رہنما عطا تارڑ کا انکشاف

لاہور(پی پی آئی)پاکستان مسلم لیگ (ن)کے رہنما اور وفاقی وزیر عطا تارڑ کا کہنا ہے کہ سابق وزیر اعلیٰ پنجاب عثمان بزدار کے خلاف تحریک عدم اعتماد موجودہ وزیر اعلیٰ پنجاب چودھری پرویز الٰہی کے کہنے پر جمع کرائی تھی۔پی پی آئی کے مطابقلیگی رہنما عطا تارڑ کا کہنا ہے کہ چودھری پرویز الٰہی کو وزارت اعلیٰ کیلئے مرتے دیکھا ہے، مجھے خود انہوں نے کال کر کے پوچھا تھا کہ عثمان بزدار کیخلاف تحریک عدم اعتماد جمع کرا دی؟، رپورٹ کے مطابق لیگی رہنما نے مزید کہا کہ پنجاب اسمبلی کی تحلیل روکنے کیلئے تحریک عدم اعتماد کا پیش ہو جانا کافی ہے، قانونی طو پر چیزیں بہت واضح ہیں، قانونی ماہرین سے بھی مشاورت کی گئی ہے۔عطا تارڑ کا کہنا تھا کہ اگر اسمبلیاں تحلیل ہو بھی جاتی ہیں تو الیکشن کیلئے ہم تیار ہیں،تحریک عدم اعتماد کیلئے کسی بھی وقت کہا جا سکتاہے، ہر لحاظ سے ہماری تیاریاں مکمل ہیں۔